Ноември – МЕСЕЦ НА НАУКАТА!

 

Прелиминарната програма за настанот Ноември - месец на науката

 

Почитувани ученици, наставници и родители,

Ве повикуваме и оваа година да се вклучите во манифестацијата за популаризација на природните науки „Ноември - месец на науката“, во организација на Сојузот на хемичарите и технолозите на Македонија (СХТМ), Македонското биолошко друштво (МБД), Друштвото на физичарите на Р. Македонија (ДФРМ), Македонското географско друштво (МГД), Македонското астрономско друштво (МАД), Скопското астроном­ско друштво (САД), Македонското еколошко друштво (МЕД) и Природно-математичкиот факултет (ПМФ).
Настанот е наменет за сите ученици од основните и средните училишта и наставниците по природни науки, хемија, физика, биологија, географија и математика и ќе се одржува на Природно-математичкиот факултет во Скопје во текот на три викенди во ноември 2017 година и тоа:

  • 11 ноември за учениции од I-VI одделение
  • 18 и 19 ноември за учениции од VII-IX одделение
  • 25 и 26 ноември за учениции од I-IV година

и ќе вклучува повеќе настани: научно-популарни предавања, изложба и натпревар во демонстрации/изработки/експерименти/симулации/модели од ученици, презентации на искуства од наставници, работилници, посета на лаборатории на ПМФ и други активности.
За учество на настанот секој ученик и секој наставник треба да се пријави најдоцна до 30 септември 2017 година со пополнување на електронска пријава на следниот линк: https://docs.google.com/forms/d/1n4V0HFuK1GITekt1jWNBH7_3_OYckoCYfDqIylnFyp4/edit
Освен тоа, треба да се пополни формулар со опис на демонстрацијата (на учениците) или презентацијата (на наставниците) и да се испрати на e-mail: mesec.na.nauka@gmail.com најдоцна до 15 октомври (за основно) и до 27 октомври (за средно). Една демонстрација се изведува од еден или најмногу двајца ученици (формуларот за демонстрацијата може да го симнете ТУКА). Наставниците може да учествуваат како ментори на демонстрација и/или да учествуваат со презентација (формуларот за презентацијата може да го симнете ТУКА) при што со една презентација се пријавува еден наставник.
Котизацијата за учество на настанот треба да се уплати најдоцна до 27 октомври 2017 година, петок (пример уплатница е дадена ТУКА, за групна уплата да се достави список на дадениот e-mail) и изнесува:

  • за ученик – 300 денари и вклучува учество на еден ученик со една демонстрација. Ученик има право да се пријави и без демонстрација да учествува во другите активности.
  • за наставник – 300 денари за еден викенд, односно 500 денари за два викенда.

Секој ученик и секој наставник кој ќе учествува на настанот ќе добие сертификат за учество на настанот, а ќе бидат доделени дипломи и награди на најдобрите ученици на натпреварот во демонстрации како и на нивните ментори.
Да се вклучиме сите и заедно да придонесеме за популаризација на природните науки!

Со почит,

Проф. д-р Зоран Здравковски, претседател на СХТМ
Проф. д-р Сузана Диневска-Ќовкаровска, претседател на МБД
Доц. д-р Боце Митревски, претседател на ДФРМ
Проф. д-р Билјана Апостоловска-Тошевска, претседател на МГД
Проф. д-р Олгица Кузмановска, претседател на МАД
Мартин Стојановски, претседател на САД
Проф. д-р Славчо Христовски, претседател на МЕД
Проф. д-р Ицко Ѓоргоски, декан на ПМФ

Вести